مدونتى
لما فتحت المدونة ما فكرتش ايه اللى حاكتبه فيها او بمعنى اصح انا حاعمل بيها ايه كل اللى كان فى بالى انها صفحتى على النت بيتى على النت اكتب فيه اللى انا عايزاه اطلع كل اللى جوايا اعبر فيها عن غضبى وحبى فرحى وزعلى لدرجة انى فكرت اعملها بريفيت علشان تكون خاصة بيه بس لكن قلت ما فيش حد بيعيش لوحده
المهم ده بيتى الصغير حاعمله على مزاجى حافضفض بيه وحاطلع اللى جوايا حادخل علشان ارتاح فيه واكيد الانسان مش بيرتاح غير فى بيته لأنه ده بيكون عالمه الخاص وده بيتى
بيت نكش
هناك 10 تعليقات:
انا جايه زياره قصيره ليكِ في بيتك لو تكرمتي بالسماح ليا(:,
والدتك الفاضله من المقربين ليا في التدوين وكذلك لوجي المختفيه,ياترى اخبارها ايه طمنيني عليها,
يارب تكون المدونة دي فاتحة خير عليكِ,
معلش اعذريني ان كنت مش هقدر اتابع باستمرار نظرا للظروف اللي بتمر بيها اسرتي وام مالك ممكن تقولك عليا,
دعواتكم كتير جدا.
اهلا بيك نورتى بيتى المتواضع الحمد لله لوجى بخير ربى معك وييسر لكى كل عسير
ربنا يوفقك يا رب ..... شكل مدونتك حلو اوي
وارجو التواصل
تحياتي
ياسلام ياولاد يعني أم مالك وكمان الأمورة أخت مالك نورتي البلوجر ياقمر وأنا جاية أزورك الخميس الجاي وجايبالك معايا علبة شوكولاتة تستاهل بقك
ههههههههههه
آه نسيت أعرفك بنفسي
أنا شوكولاتة أختك الجديدة مدمنة الشوكولاتة نامبر وان في العالم
نورتي ياقمر
احم احم انا اختك التوام دا لز تعرفينى:)
عموما انا اعرفك شويه كده ومستنيه البلوج على احر من الجمر عاوزه اعرف توأمى اكتر:)
اه صحيح اباى شيلى تأكيد الكومنت دا لو تسمحى يعنى:)
السلام عليكم ورحمة الله وبركاته:
اهلا بيك فى عالم التدوين ، كان قرار صائب منك ان تقتحمى هذا العالم وتنتمى اليه:
وسوف ننتظر منك الكثير
تقبلى مرورى
تحياتى:
اهلا فتاة من الصعيد شكرا ليكى ولزيارتك لبيتى
اهلا شوكولاته جيتى على نقطة ضعفى وهى الشوكولاته انا بحبها كتير وبيتى مفتوح ليكى فى اى وقت
اهلا شيماء معلش اصلى لسه ما اعرفش الاوبشن كويس فى المدونة بس حاقعد العب لحد ما اشيلها معلش على التاخير بسسب انشغالى فى عملى ودخولى قليل على النت
اهلا استاذ طارق عالم التدوين عالم مشوق حر
فشكرا لتشجعيك
إرسال تعليق