الجمعة، 9 أكتوبر، 2009



الى من يملكون ذكرى فى قلبى

كنت انتظر المصعد كالعادة الذى تقريبا لا يخلو من المنتظرين له فهو ابطئ مصعد على وجه الارض ووجدتها تقف وحيدة تنتظره ففرحت لأنى لن اضطر الى الانتظار فترة طويلة وجاء المصعد وركبت انا وهى فالقيت عليها السلام وهى بالمثل فهى ليست الا عاملة نظافة تعمل فى احدى الشركات الحكومية فى العمارة واحيان كثيرا يجمعنى المصعد بها فوجدتها تقول لى وهى خارجة من المصعد والله انا بحبك يا باشمهندسة انت والانسة اللى معاكى وتقصد بذلك زميلتى بالمكتب ربنا يسعدكو فلم يكن منى الا ان شكرتها والله ووحده يعلم انى لم اطلب منها شئ فى يوم من الايام وهى ايضا لم تطلب منى اى شئ ولم اعطها اى شئ والله لقد احسست ان الذى يصعد هو قلبى وليس المصعد وصعدت الى مكتبى وهى الى شركتها ولكنها تركت فى نفسى ذكرى لن انساها ؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لا اعرف ما الشئ الذى يجمعنى دائما بعاملات النظافة ولكنى اجدهم يحبونى ولن انكر انى ايضا احبهم ؛ كنت اتكلم مع احدى زميلاتى عن الاجراءات المطلوبة ليتم نقلى الى فرع اخر للشركة وكانت العاملة تنظف المكتب فوجدتها تنظر لى باندهاش وتقول لى (هو انت حتمشى ليه حد زعلك )

نظرت اليها (لا والله بس ظروف السكن بس ما تخافيش حافضل هنا لحد ما تطرودونى )

ربنا يكرمك يارب اصل الواحد لما بيصدق يعرف حد كويس اوعى تمشى ده انا والله بحبك )

وانا كمان احبها فهى سيدة طيبة جدا وتعبت كثيرا فى حياتها ودائما ما اطلب منها ان تدعو لى لأنى احسبها قريبة من الله ؛

هؤلاء الناس لهم مكان وذكرى طيبة فى قلبى قد تتكلم معهم قليلا ولا تقابلهم الا قليل ولكن تجدك تتذكرهم دائما جمعت بينك وبينهم محبة ليس لشئ او لعمل او لمقابل لا بل كانت دون مقابل ما اجمله من شعور ان تجد شخص لا تجمعك معه اى علاقة سوى لقاء قد يكون دام للحظات ومع ذلك ترى فى عينيه محبة ل والله انى لأتمنى ان يكثر الله فى حياتى من هؤلاء واقول لهم انى اتذكركم ولن انساكم واحبكم فى الله كثيرا فدائما ما يبعثكم الله لى عندما يشتد الامر وتضيق نفسى ليفرج عنى بكلامكم الصادق جمع الله بينى وبينكم فى الجنة

السبت، 26 سبتمبر، 2009

مدونتى




مدونتى

لما فتحت المدونة ما فكرتش ايه اللى حاكتبه فيها او بمعنى اصح انا حاعمل بيها ايه كل اللى كان فى بالى انها صفحتى على النت بيتى على النت اكتب فيه اللى انا عايزاه اطلع كل اللى جوايا اعبر فيها عن غضبى وحبى فرحى وزعلى لدرجة انى فكرت اعملها بريفيت علشان تكون خاصة بيه بس لكن قلت ما فيش حد بيعيش لوحده




المهم ده بيتى الصغير حاعمله على مزاجى حافضفض بيه وحاطلع اللى جوايا حادخل علشان ارتاح فيه واكيد الانسان مش بيرتاح غير فى بيته لأنه ده بيكون عالمه الخاص وده بيتى




بيت نكش